हिमालयन भेगान महोत्सव २०२२ शाकाहारी भोजन, शाकाहारी व्यक्तित्व, शाकाहारी जीवनशैलीको प्रवद्र्धनको लागि चालिएको एउटा महत्वपूर्ण कदम हो । यो अन्तरराष्ट्रिय महोत्सव हिमालय शृङ्खलाको काखमा रहेका सुन्दर दुई हिमाली राष्ट्रमा २०७९ वैशाख २ देखि ४ गतेसम्म (तद्अनुसार अप्रिल १५ देखि १७ तारिखसम्म)
नेपालको राजधानी काठमाडौँमा र वैशाख ५ देखि ७ गतेसम्म (तद्अनुसार अप्रिल १८ देखि २० गतेसम्म) भुटानको राजधानी थिम्पुमा सम्पन्न हुनगइरहेको छ ।
यस्तो प्रकारको महोत्सव हिमालय क्षेत्रमा क्षेत्रमा पहिलो र ऐतिहासिक हुनेछ । महोत्सवलाई रमाइलो र ज्ञानवद्र्धक बनाउनका निम्ति विभन्न क्रियाकलाप जस्तै, पाक कलाको प्रदर्शनी, म्याराथन दौड, शाकाहार र प्राणीकल्याणका क्षेत्रमा कार्यरत प्रसिद्ध व्यक्तित्वको महोत्सवमा उपस्थिति रहनुका साथै धेरै वर्कसप तथा गोस्ठी, सञ्चालन गरिनेछन्।
हाल विश्वमा विशुद्ध शाकाहारी जीवनशैली विश्वव्यापी रूपमा फस्टाउँदै गइरहेको पाइन्छ । जलवायु परिवर्तन र त्यसले निम्त्याएका विभिन्न रोगसंग लड्न विशुद्ध शाकाहारी जीवनशैली एउटा महत्वपूर्ण, सहज र प्रभावकारी कडी भएको देखिन्छ । यहि विषयलाई मध्यनजर गर्दै नेपालमा बढ्दै गईरहेका विशुद्ध शाकाहारी अभियानसंग आवद्ध विभिन्न संघसंस्था तथा उद्योगलाई समेत हौसला दिनका निम्ति पनि यो महोत्सवको आयोजना गरिएको हो ।
विशुद्ध शाकाहारी आहार, आहार मात्र नभई मानव समाजलाई दया, करुणा, प्राणी कल्याण र अहिंशाको मार्गमा चल्न सिकाउने माध्यम पनि हो । यहि संदेश फैलाउँदै तपाईं सबै करुणामयी महानुभावलाई यो पावन महोत्सवमा सहभागी भइदिनुहुनका लागि हार्दिक निमन्त्रणा अर्पण गर्दछौँ । यो महोत्सव शाकाहारी वा भीगनको मात्र हैन । सबै यसमा सहभागी हुुन पाइने छ । साथै कार्यक्रमस्थल प्रवेशमा कुनै पनि किसिमको शुल्क नलाग्ने व्यहोरा पनि जानकारी गराउँदछौँ ।
